కేక్‌లు బేకరీలలోనే మాత్రమే కాకుండా రుచికరమైన ఫ్లేవర్‌తో సులభంగా ఇంటిదగ్గరే తయారుచేసుకోవచ్చు. కేక్‌ని తయారు చేయాలంటే మైక్రోవేవ్ ఓవెన్‌ ఉండాలి కదా అని అనుకోవచ్చు కాని అలాంటిదేమీ అవసరం లేకుండానే మన ఇంట్లో ఉండే సాధారణ ప్రెజర్ కుక్కర్ సాయంతో ఈజీగా కేక్‌ని తయారు చేసేయవచ్చు. ఎలా అంటారా…?
కావలసినవి:
మైదా పిండి – 3 కప్పులు
చక్కెర – 2 కప్పులు, పొడిచేసినది
గుడ్లు – 2, బాగా కలిపినది
వెన్న – 1 కప్పు
బేకింగ్ సోడా – 2 స్పూన్
పాలు – 2 కప్పులు
వెనిలా ఎసెన్స్ – 2 స్పూన్
తయారు చేయు విధానం:
– ముందుగా ఒక పాత్రలో చక్కెరను తీసుకుని వెన్న వేసి కలపాలి, అందులో బాగా కలిపిన గుడ్డు సొనను వేసి మెత్తాగా అయ్యేలా మిక్స్ చేయాలి. ఈ మిశ్రమంలో బేకింగ్ సోడా కలిపి పాలను చేర్చుతూ పిండి మెత్తగా మృదువయ్యేంతవరకూ కలుపుతూ ఉండాలి. దీనిలో వెనీలా, మైదా వేసి మిక్స్ చేయాలి.
-ఇప్పుడు మరొక పాత్ర తీసుకుని దానిలో కేక్ మిశ్రమం అంటుకోకుండా ఉండటానికి కొద్దిగా మైదాని అప్లై చేయాలి. తరువాత ముందుగా తయారుచేసి పెట్టుకున్న మిశ్రమాన్ని ఈ పాత్రలో వేయాలి. ఇప్పుడు టిన్‌లోకి సిద్ధంచేసి ఉంచిన మిశ్రమాన్ని ప్రెషర్‌ కుక్కర్‌లో ఉంచి సన్నని మంటపై 45 నిమిషాలు ఉండికించాలి. ఈ సమయం పూర్తి అయిన తరువాత కిందకుదించి మూతతీసి 10 నిమిషాలు చల్లారనివ్వాలి. తరువాత వెనిలా కేక్‌ని చాక్‌తో ముక్కలుగా కోసుకుని లాగించండి.
