కావలసినవి
చిలగడదుంపలు: అరకిలో
ఉల్లిపాయలు : రెండు
టొమాటోలు: మూడు
పచ్చిమిర్చి: నాలుగు
కొత్తిమీర తురుము: కొద్దిగా
నూనె: 3 టేబుల్స్పూన్లు
జీలకర్ర: అరటీస్పూను
ఇంగువ: చిటికెడు
పసుపు: పావు టీస్పూను
దనియాలపొడి: టీస్పూను
కారం: పావుటీస్పూను
గరంమసాలా: పావుటీస్పూను
ఉప్పు: తగినంత
అల్లం వెల్లుల్లి పేస్ట్ : టీస్పూను
తయారుచేసే విధానం
టొమాటోలు, పచ్చిమిర్చి ముక్కలుగా కోయాలి. చిలగడదుంపలు బాగా కడిగి పొట్టు తీసి కావల్సిన సైజులో ముక్కలుగా కోసుకోవాలి.
ప్రెషర్ పాన్లో నూనె వేసి కాగాక జీలకర్ర వేసి వేయించాలి. తరవాత తరిగిన ఉల్లిపాయ ముక్కలు, మిర్చి, ఇంగువ, పసుపు, దనియాల పొడి వేసి వేగనివ్వాలి. ఇప్పుడు టొమాటో ముక్కలు కూడా వేసి కలిపి వేయించాలి. తరవాత చిలగడదుంప ముక్కలు వేసి కొద్దిగా ఉడకనిచ్చి కొద్దిగా నీరు కలుపుకుని గరంమసాలా, ఉప్పు కలిపి పూర్తిగా ఉడికిన తరువాత దించేముందు కొత్తిమీర తురుము వేసి దింపుకోవాలి.