కావలిసిన పదార్ధాలు
పాలపొడి: ఒకటిన్నర కప్పులు
పంచదార: నాలుగు కప్పులు
మైదాపిండి: అరకప్పు
నెయ్యి: కప్పు
ఉప్పు: రుచికోసం చిటికెడు
తయారు చేసే విధానం :
పంచదారలో సుమారు ఓ కప్పు నీళ్లు పోసి మరిగించాలి. తరవాత సిమ్లో పెట్టి 20 నిమిషాలపాటు తీగపాకం వచ్చేవరకూ తిప్పుతూ ఉడికించాలి. విడిగా ఓ గిన్నెలో మైదా, ఉప్పు, పాలపొడి, టేబుల్స్పూను నెయ్యి వేసి కలపాలి. ఇప్పుడు ఈ మిశ్రమాన్ని పంచదార పాకంలో వేసి మళ్లీ సిమ్లో నాలుగు నిమిషాలు ఉడికించాలి. తరవాత మిగిలిన నెయ్యి కూడా వేసి ఉండలు కట్టకుండా ఉడికించాలి. మిశ్రమ అంచులకు అంటుకోకుండా ఉండేవరకూ ఉడికించి దించి నెయ్యి రాసిన ప్లేటులో వేసి ఆరాక ముక్కలుగా కోయాలి.
