హిందు వివాహ ప్రక్రియలో వధువరూల జాతకాలను చూపించడం తప్పనిసరి. వీరిద్దరి జాతకాలు కలిస్తినే వారి భవిష్యత్తు బాగుంటుందని అంచనా వేస్తున్నారు. అయితే ఈ రోజుల్లో అధునాతన కారణంగా కొంతమంది జాతకాలు సర్దుబాట్లు లేదా కుండలిలో మార్పులుచేర్పులు చేయడం మర్చిపోతున్నారు. అందుకే కొన్ని వివాహాలు ఎక్కువ కాలం నిలవడం లేదు. గందరగోళాలు, కలహాలు లాంటి వైవాహిక జీవితాన్ని చేదుగా మారుస్తున్నాయి. ఈ కారణంగానే పూర్వకాలం నుంచి జాతకాలకు సరిపోల్చే సంప్రదాయం ఉంది. ఫలితంగా జాతకం సర్దుబాటు వధూవరుల వివాహం అవకాశాన్ని అంతం చేయడం ఇదే మొదటి దశ. కాబట్టి వివాహంలో జాతకాన్ని చూడటం ఎంతో ముఖ్యం.
భారతదేశంలో ముఖ్యంగా హిందు సంప్రదాయంలో వివాహానికి సంబంధించి జాతకాలు అనుకూలించాయా లేదానేది ముఖ్యమైన అంశం. అబ్బాయి, అమ్మాయిల జాతకాన్ని జ్యోతిష్కులు అంచనా వేస్తారు. కుండలి సర్దుబాటు లేదా జాతకం ప్రకారం గ్రహాల లక్షణాలు ఆధారంగా చేస్తారు. జాతకం దృష్టిలో ఏదైనా లోపభూయిష్ట గ్రహాలు ఉంటే జ్యోతిష శాస్త్రం ప్రకారం వివాహంలో వాటి పరిష్కారాలకు మార్గం సుగమం చేస్తారు.
జాతకాన్ని సరిపోల్చడం ఎందుకు ముఖ్యమంటే..
సంప్రదాయబద్ధ వివాహాలకు ప్రాధాన్యత తీసుకొచ్చింది భారతీయులే అన్న విషయం అందరికి తెలిసిందే. ఇంతకు ముందు చూడని, తెలియని వ్యక్తిని జీవితాంతం వివాహం అనే ఘట్టం ద్వారా జీవితంలోకి ఆహ్వానిస్తారు. కాబట్టి వివాహం ఖరారయ్యే ముందు వధూవరులిద్దరి జాతకాలను సరిపోలుస్తారు. జాతకాలను పరిశీలిస్తే వారి జీవితాలు సంతోషంగా ఉన్నాయని, వైవాహిక జీవితం విజయవంతమవుతుందా లేదా అనేది తెలుస్తుంది. జ్యోతిషశాస్త్రంలో జాతకంలో మొత్తం 36 లక్షణాలు ఉన్నాయి. వీటిలో వధూవరులకు ఎంతవరకు అనుకూలంగా ఉన్నాయో వారి జీవితాలు ఎంత సౌకర్యవంతంగా ఉన్నాయో నిర్ణయిస్తారు. దోషాలు ఏమైనా ఉంటే జ్యోతిష్కులు వాటికి నివారణలు చేయిస్తారు. పిల్లల ఆనందం, ఆరోగ్యానికి కుండలి సర్దుబాటు ముఖ్యమైనదిగా భావిస్తారు.
భౌతిక, మానసిక సర్దుబాట్లు..
వధూవరుల శారీరక, మానసిక సమన్వయం ద్వారా కుండలి సర్దుబాటు ప్రయోజనాలు కూడా నిర్ధారించబడతాయి. గ్రహాల స్థానాల ఆధారంగా ఇద్దరు భాగస్వాముల ప్రవర్తన ఆధారపడి ఉంటుంది. కాబట్టి జాతకం సరిపోలిక దంపతుల మానసిక స్థితి, ఆసక్తి, వైఖరి, ప్రవర్తన లాంటి మొదలైన అంశాల గురించి తెలుపుతుంది. అబ్బాయి ఆరోగ్యం, శ్రేయస్సు కూడా ఇక్కడ అంచనా వేయబడుతుంది. బాలుడిలో తగినంత శారీరక ఆకర్షణ ఉందని కూడా జాతకం నిర్ధారిస్తుంది.
ఆర్థికంగా స్థిరత్వం చూస్తారు..
నక్షత్రాల స్థానం వాటి సమయం అనేవి వ్యక్తుల జాతకంలో శని లేదా మంగళ దశ సంప్రాప్తిస్తుందా అనేవి అంచనా వేస్తారు. వీటి ద్వారా కుండలిని సరిపోల్చడం వల్ల ఏమైన క్లిష్టపరిస్థితుల ఉంటే తగ్గించవచ్చు. అనుభవజ్ఞులైన జ్యోతిష్యనిపుణులు జాతకంలో ప్రతికూలతలు ఏమైన ఉంటే వాటిని పరిష్కరిస్తారు. ముఖ్యంగా దంపతుల కుండలిలో దోషమేమైనా ఉంటే వాటిని నివారిస్తారు. అర్థిక స్థిరత్వం, వృత్తిగత విషయాలు లాంటి వాటిని కుండలి సర్దుబాట్లు ద్వారా కనుగొంటారు. వైదిక జ్యోతిషం ప్రకారం గ్రహాల కదలిక అనేవి వ్యక్తిగత జీవితంలో ఎంతో ప్రభావం చూపిస్తాయి. ముఖ్యంగా వివాహం అనంతరం జీవిత భాగస్వామి వల్ల వచ్చే ప్రయోజనాలు అంచనా వేస్తారు. కాబ్టటి తల్లిదండ్రులు తమ సంతానానికి కాబోయే జీవిత భాగస్వామి ఆర్థిక స్థిరత్వం విషయంలో కచ్చితత్వంతో ఉంటారు.
జాతకంలో ఇవి అనుకూలించాలి..
జ్యోతిషశాస్త్రం ప్రకారం వధూవరుల జాతకం అనుకూలించిందా లేదా అని తెలుసుకోవడం కోసం 36 అంశాలను పరిగణనలోకి తీసుకుంటారు. అందులో సంతోషకరమైన, విజయవంతమైన వివాహం జరగాలంటే 36లో కనీసం 18 లక్షణాలు సరిపోలి ఉండాలి. వధూవరుల జాతకంలోని 36 అంశాల్లో 18 నుంచి 25 గుణాలు సరిపోలితే అది ఉత్తమమైన జాతకంగా భావిస్తారు. కుండలి లేదా జాతకం ముఖ్య ఉద్దేశం వివాహం ద్వారా ఒక్కటయ్యే జంటలు కలిసి ఆహ్లదకరమైన, సంపన్నమైన, సూదీర్ఘమైన వైవాహిక బంధాన్ని కలిగి ఉండటం.
