నిజంగా ఆపిల్ గింజలు విషపూరితమైనవేనా?

చరిత్రలో విశదీకరించబడిన అనేక సామూహిక ఆత్మహత్యలకు & రసాయన పరమైన యుద్ధ తంత్రాలతో కూడా అత్యంత ప్రమాదకరమైన విషపదార్థాల సైనైడ్ ఒకటిగా ఉంది. వీటిలో ముఖ్యంగా సైనోగ్లైకోసైడ్లు అని పిలిచే ఒక సమ్మేళనము ఈ పండు గింజలలో కనబడుతుంది. చరిత్రలో జరిగిన మానవ యుద్ధాల ద్వారా సైనేడ్ అనే పేరు చరిత్ర పుటలలోకి వచ్చింది. ఈ సైనేడ్ ఆక్సిజన్-సరఫరా చేసే కణాలతో జోక్యం చేసుకుని రసాయనిక చర్యకు లోనగుట వల్ల, వీటిని అధిక మొత్తంలో వినియోగిస్తే మరణానికి దారి తీస్తుంది.

చిన్న ఆపిల్స్ కలిగి ఉండే గింజలలో కనిపించే అమిగ్దాలిన్ అనేవి కూడా ఒక రకమైన సైనైడ్స్. ఈ గింజలు ఎక్కువగా రోజ్ కుటుంబానికి చెందిన పండ్లలో అంటే నేరేడు, బాదం, ఆపిల్, పీచ్ & చెర్రీస్లలో కలిగి ఉంటుంది. ఈ అమిగ్దాలిన్ సమ్మేళనం అనేది చిన్న గింజల లోపల, దాని రసాయన రక్షణ నిలయంలో భాగంగా ఉంటుంది. కాబట్టి, మీరు సైనైడ్ను కలిగి ఉన్న ఒక పండుని తినడం విషపూరితము కాగలదని మీరు తప్పక గుర్తుంచుకోండి. కానీ అమిగ్దాలిన్ సమ్మేళనాన్ని కలిగి ఉన్న గింజలు చెక్కుచెదరకుండా ఉన్నప్పుడు అంటే, ఈ గింజలు దెబ్బతినకుండా ఉన్నంతవరకూ అవి ప్రమాదకరం కావు. కానీ మీరు ఈ గింజలను అనుకోకుండా నమలడం, తినడం (లేదా) జీర్ణమైన తర్వాత, అందులో ఉన్న అమిగ్దాలిన్ హైడ్రోజెన్ సైనైడ్గా రూపాంతరం చెందుతుంది. కాబట్టి, అలా ఈ చిన్న గింజలు మరింత విషపూరితంగా మారి మీ ప్రాణాలకే ప్రాణాంతకం అవుతుంది. అయినప్పటికీ, ఆపిల్ (లేదా) ఇతర పండ్లలో ఉన్న విత్తనాలు దట్టమైన బయటి పొరను కలిగి ఉంటాయి, ఇవి జీర్ణరసాలతో కలిసి జరిగే రసాయనిక చర్యలను నిరోధించాయి. కానీ అనుకోని విధంగా ఈ విత్తనాలను నమిలి మింగి నట్లయితే, అది శరీరంలో తక్కువ స్థాయిలో సైనైడ్ను ఉత్పత్తి చేస్తుంది, ఇది శరీరంలో ఉన్న ఎంజైమ్ల ద్వారా నిర్విషీకరణ చేయగలదు, కానీ ఈ పండ్ల విత్తనాలను పెద్ద మొత్తంలో వినియోగిస్తే, అది ప్రమాదకరమైన పరిణామాలను కలగజేస్తుంది.

ఎంత మోతాదులో ఉన్న సైనైడ్ ప్రాణాంతకం ? సెంటర్స్ ఫర్ డిసీజ్ కంట్రోల్ అండ్ ప్రివెంట్ తెలిపిన దాని ప్రకారం, 1-2 mg/kg గా ఉన్న సైనైడ్, 154 పౌండ్లు అనగా 70 కిలోల బరువు కలిగిన వ్యక్తికి ప్రాణాంతక మోతాదుగా ఉంటుంది. దీని అర్థం, ఒక వ్యక్తి ఈ మోతాదును పొందేందుకు 20 ఆపిల్స్ నుండి 200 ఆపిల్ విత్తనాలను తీసుకోవాలి. అయితే, ది ఏజెన్సీ ఫర్ టాక్సిక్ సబ్స్టన్సెస్ అండ్ డిసీజ్ రిజిస్ట్రీ ప్రకారం, అతితక్కువ మొత్తంలో ఉన్న సైనేడ్ కూడా మానవ శరీరానికి ప్రాణాంతకం కావచ్చని సూచిస్తున్నాయి. శరీరం సైనైడ్కు గురైనప్పుడు, అది మెదడును & హృదయాన్ని దెబ్బతీస్తుంది, అలాగే శరీరాన్ని కోమాలోకి తీసుకువెళ్ళి, ఆ తరువాత మరణానికి దారి తీయగలదు. ఆపిల్ పండులో ఉండే విత్తనాలు (లేదా) ఆప్రికాట్లలో, పీచెస్ & చెర్రీస్ వంటి వాటిలో గల పిట్స్ను ప్రమాదవశాత్తు నమలడం నివారించాలని ఈ ఏజెన్సీ సూచించింది. ఒకసారి వీటిని తిన్నా వెంటనే, సైనైడ్ మానవ శరీరం లోపల స్పందించడం మొదలవుతుంది. ఇది అనారోగ్యాలకు, ఊపిరి తీసుకోవడంలో ఇబ్బందుల వంటి లక్షణాలను కలుగజేస్తూ, స్పృహను కోల్పోయేటట్లుగా దారితీస్తుంది.