ఆంధ్రదేశాన్ని పరిపాలించి శాతవాహన రాజులలో పేరుగాంచినవాడు శాతవాహన రాజులలో 28వ వాడు గౌతమీపుత్ర శాతకర్ణి తల్లికి గౌరవస్థానం ఇచ్చి తల్లి పేరైన గౌతమిని తన పేరు ముందు చేర్చుకున్నాడు. గౌతమీపుత్ర శాతకర్ణి క్రీ.శ. రెండవ శతాబ్దానికి చెందినవాడు. భారతదేశానికి వాయువ్య దిశనుండి వచ్చిన మధ్య ఆసియా తెగవారైన కుషాణులను, శక, పహ్లవులను, యవనులను జయించి తెలుగు రాజ్యాన్ని సుస్థిరం చేశాడు.
ఈయన తల్లి గౌతమీ బాలశ్రీ శాతకర్ణిని ‘శాతవాహన కీర్తి వైభవ పునరుద్ధారకుడు’ క్షత్రీయ గర్వాపహారకుడు, అసమాన బ్రాహ్మణుడు అని నాసిక్ శాసనాల మీద చెక్కించింది. ఇతను తన రాజ్యంలో వ్యవసాయ అభివృద్ధికి కృషిచేసాడు. ప్రజలకు మంచి పరిపాలన అందించి గొప్ప పరిపాలనాదక్షుడు గా పేరు తెచ్చుకున్నాడు. బీదవారి మీద, అణగారిన ప్రజల మీద పన్నులను మినహాయించాడు.
శాతకర్ణి రాజ్యం తూర్పు, పడపర సముద్రాల వరకు వ్యాపించి ఉన్నట్లు చారిత్రిక ఆధారాల వలన తెలుస్తుంది. 24 సంవత్సరాలపాటు రాజ్యాన్ని పరిపాలించి క్రీ.శ. 86లో పరమపదించాడు.
