కావలసినవి
కాలీఫ్లవర్: ఒకటి
టొమాటోలు: మూడు
ఉల్లిపాయలు: ఒకటి
పచ్చిమిర్చి: రెండు
జీడిపప్పు: పావుకప్పు
సోంపు: టీస్పూను
లవంగాలు: నాలుగు
దాల్చిన చెక్క: అంగుళంముక్క
పలావు ఆకులు: రెండు
అల్లంవెల్లుల్లి: టేబుల్స్పూను
పసుపు: అరటీస్పూను
కారం: టేబుల్స్పూను
దనియాలపొడి: టీస్పూను
జీలకర్రపొడి: అరటీస్పూను
పెరుగు: పావుకప్పు
నిమ్మరసం: టేబుల్స్పూను
గరంమసాలా: టీస్పూను
నూనె: తగినంత
ఉప్పు: తగినంత
కొత్తిమీర తురుము: కొద్దిగా
తయారు చేసే విధానం
కాలీఫ్లవర్ ను విడదీసి చిన్న ముక్కలుగా చేసుకొని గోరువెచ్చని ఉప్పు నీళ్లలో వేసి ఓ ఐదు నిమిషాలు పాటు ఉడికించుకోవాలి జీడిపప్పులో పావుకప్పు గోరువెచ్చని నీళ్లు పోసి నానబెట్టాలి.కాలీఫ్లవర్ ముక్కలను నీళ్లు లేకుండా వంపేసి కాస్త ఆరబెట్టు.
తరవాత పాన్ లో లేక నాన్స్టిక్ పాన్లో నూనె వేసి కొద్దికొద్దిగా ఉడికించిన కాలిఫ్లవర్ ముక్కలను వేసి వేయించి తీయాలి
.బాణలిలో 2 టేబుల్స్పూన్ల నూనె వేసి సోంపు, దాల్చినచెక్క, యాలకులు, లవంగాలు, పలావు ఆకులు వేసి రెండు నిమిషాలు వేయించాలి. తరవాత ఉల్లిపాయ ముక్కలు, పచ్చిమిర్చి ముక్కలు వేసి వేయించాలి. పసుపు, కారం, అల్లంవెల్లుల్లి ముద్ద, టమాటో ముక్కలు, గరంమసాలా వేసి రెండు నిమిషాలు వేయించాలి. తరువాత నానబెట్టి రుబ్బిన జీడిపప్పు ముద్ద కూడా వేసి, అరకప్పు నీళ్లు పోయాలి. ఉప్పు కూడా వేసి సిమ్లో ఉడికించుకోవాలి. తరవాత వేయించిన కాలీఫ్లవర్ ముక్కలు, వేసి సిమ్లో పది నిమిషాలు ఉడికించాలి. చివరగా దించుకొనేటపుడు కొత్తిమీర చల్లుకోవాలి
Viswaguidance
☰ Menu